Lajme

Flet Alfred Moisu, një nga “personalitetet” e përzgjedhur nga Rama për t’u vaksinuar: E kanë vendosur drejt…

Kryeministri Edi Rama, ka lajmëruar një vendim kontrovers, për të vaksinuar fillimisht të moshuarit të cilët janë gjithashtu personalitete të vendit. Ky vendim, i pangjashëm me asnjë vend tjetër, ku respektohet rradha dhe prioriteti caktohet sipas moshës dhe sëmundjeve që e rrezikojnë një person dhe nuk merren parasysh cilësi subjektive të caktuara nga kryeministri dhe stafi i tij, ka sjellë reagime të shumta në Shqipëri.

Megjithatë, duket se autoritetet nuk do të tërhiqen nga kjo nismë e Edi Ramës dhe ditën e diel pritet të nisë vaksinimi i “personaliteteve”. Një nga personat e përzgjedhur si personalitet, që duhet vaksinuar sa më parë, është Alfred Moisiu, ish president i Republikës së Shqipërisë.

Ish presidenti, duket se e ka pritur mjaft mirë këtë vendim, për t’u vaksinuar para të gjithë të tjerëve. I kontaktuar nga televizioni ABC, Moisiu ka deklaruar se do të vaksinohet të dielën dhe se ky rregull i Ramës “është vendosur drejt”. Ish presidenti ka kritikuar edhe qytetarët, që nuk mbajnë maska dhe partitë politike që zhvillojnë takime elektorale.

Po, më ka njoftuar, ditën e diel në orën 09:30 për të bërë vaksinën te stadiumi Air Albania. Duket se kanë vendosur drejt, pasi mosha jonë, sikur thotë populli një “saçme kërkon”. Është moshë që e përballon me vështirësi një sëmundje të tillë. Mendoj që është vendim i drejtë.  Populli është i padisiplinuar, rrinë pa maska, që është një mjet i domosdoshëm për t’u mbrojtur. E dyta distanca nuk mbahet. Shikoj edhe veprimtaritë politike që shkelen me të dyja këmbët, është shembull shumë negativ, duhet dënuar me rreptësi” mësohet të ketë deklaruar Moisiu. /TPZ.al/

Artikuj të ngjashëm

Leave a Reply

Your email address will not be published. Required fields are marked *

Lexo edhe:

Close
Back to top button
Close
%d bloggers like this: