Konfirmohet prezenca e fokës mesdhetare si banore e Parkut Kombëtar Detar “Karaburun-Sazan.

Ministri i Turizmi dhe Mjedisit, Blendi Klosi e ka cilësuar praninë e fokës mesdhetare si një sukses, pasi sipas tij, është produkt i përpjekjeve mbi 10-vjeçare në funksion të mbrojtjes së habitateve dhe specieve me rëndësi të parkut.

Pas një monitorimi shkencor për 5 vite radhazi, kamerat kurth të instaluara në parkun detar, dokumentuan prezencën e fokës mesdhetare në njërën prej shpellave të monitoruara, ku qëndron për strehim dhe ushqim.

“Ky sukses është produkt i përpjekjeve mbi 10-vjeçare në funksion të mbrojtjes së habitateve dhe specieve me rëndësi të parkut. Me mbështetjen e UNDP Albania dhe “MedFund”, specialistët tanë arritën të fotografojnë banoren më të re të këtij parku”, theksoi Ministri Klosi.

Foka e Mesdheut, apo siç njihet latinisht: “Monachus monachus” është një lloj foke që i takon familjes “Phocidae”. Në vitin 2016, është llogaritur të ketë më pak se 700 individë të gjallë të këtij lloji, të vendosur në tre apo katër nënpopullata të zolura në Detin Mesdhe (posaçërisht në Detin Egje), arkipelagun e Maderias dhe në arkipelagun Ras Nouadhibou në verilindje të Oqeanit Atlantik. Besohet të jetë lloji më i rrallë i fokave në botë dhe tashmë kjo lloj foke ka vizituar edhe vendin tonë