Lajme

Foshnja në Has, flet mjeku: Nëna ka qenë e shtruar në psikiatri, jetonte vetëm

Ibish Avdyli, mjeku roje në spitalin e Krumës, ka dhënë detaje të reja në lidhje me vdekjen e një foshnje 3-muajshe sot. Duke folur për “FaxNews” ai tha se nëna 31-vjeçare e foshnjes ka patur disa herë probleme dhe se jetonte në një banesë sociale e vetme.

Ai tregoi se gruaja në fjalë ishte shtruar disa herë në spitalin psikiatrik të Shkodrës për shkak të gjendjes së rënduar shëndetësore.

Ndërkohë foshnja 3-muajshe ka humbur jetën sot për shkak të asfiksisë, pasi nëna kishte lënë rezitencën ndezur dhe ajri ishte tharë. Trupit të pajetë të foshnjës po i bëhet ekspertiza mjeko-ligjore.

Ne e kemi parë fëmijën në kontrolle. Nënën e foshnjës e njohim dhe ka pasur problem, ajo ishte e vetme dhe jetonte në një banesë sociale. Ajo është rënduar shpesh nga ana psikologjike, ishte shtruar disa herë në psikiatrinë e Shkodrës. Foshnja nuk ka pasur shenja dhune. Do t’i bëhet ekspertiza mjeko-ligjore dhe do të zbulohet çdo gjë, shkaku i vdekjes.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: