Lajme

FOTO/ Plehra e rrugë të SHKATËRRUARA, shëmti me beton në Dhërmi

“Welcome to Drymades”

Nëse jeni sot në Dhërmi, në Drymades, kjo është panorama që ofron perla e jugut në kulmin e sezonit turistik. E shtunë, me qindra makina, shumë të huaj të etur për plazhin e rrallë e të pastër të detit Jon, dynden dhe futen për poshtë në Drymades.

Ajo që i pret është shokuese: plera në rrugë, rrugë të shkatërruara, kudo shihet një pyll i kafshuar nga të gjitha anët. Ngrehina, gjysmëndërtime, themele, rrethime pa asnjë kriter. Shëmti me beton në vend të ullinjve kokëprerë. Nëse pyet një plak me shkop që e njeh zonën prej dekadash të thotë: Për një vit Dhërrmiu u shkatërrua sa për 5000 vjet moj çupë.

Kudo ku pyet përse kjo gjendje ngrenë supet…Nëpër dhëmbë murmurisin, “E ka bërë Gjikuria!”.

Ca më poshtë bregu i Drymades është kthyer në shesh ndërtimi papërfunduar, ku inertet, kamionet dhe eskavatorët janë panorama që të thotë: Zhduku nga ky vend!

Si për ironi në fund të rrugës, diku përballë detit, të del mbi ca mure të papërfunduara guri, një vend për të qeshur teksa lexon se aty shiten “Maybach”, “Guçi” apo “Cartier”. Vanitet që shitet mbi plehra. Ky është Dhërmiu sot më 24 Korrik 2021. “Welcome to Drymades o shtet. Fuck off o Tourist!”Newsbomb

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: