Forcat e NATO-s në Kamp Adazi të Letonisë kanë kryer stërvitjen e radhës me artileri të rëndë gjatë ditëve.
Bëhet me dije se kjo stërvitje është bërë si një kundërpërgjigje ndaj kërcënimeve ruse ndaj aleancës dhe vendeve baltike.
Stërvitja e cila ishte koduar me emrin “Shigjeta e Hekurt”, njoftohet se është zhvilluar nga forcat e artilerisë së vendeve të NATO-s që gjenden prej disa vitesh pranë Rigas në Letoni, ku janë pozicionuar edhe ushtarët shqiptarë gjithashtu.
Mësohet se këta të fundit shërbejnë si njësi e demontimit të minave, teksa kujtojmë këtu se në këtë mision humbën jetën dy vite më parë edhe dy ushtarakët shqiptarë Zarife Hasanaj dhe Klodian Tanushi.
Së fundmi njoftohet se NATO ka shtuar ndjeshëm prezencën e saj në vendet balltike dhe arsyeja është kërcënimet ruse.