Këtë të martë një punonjës i Ujësjellësit në Bashkinë Himarë u rrëzua aksidentalisht nga mali i Çikës.
55-vjeçari A.A., pësoi dëmtime gjatë rrëzimit. Ndërkohë bëhet me dije se punonjësi është nxjerrë nga gremina dhe po pritet që të transportohet me helikopter për të marrë 55-vjeçari.
Himarë/Informacion paraprak, Më datë 28.06.2022, rreth orës 11:20, në sallën operative të DVP Vlorë, është marrë njoftim se disa punonjës të Ujësjellësit në Bashkinë Himarë, ndodhen në malin e Çikës dhe se njëri prej tyre, shtetasi A. A., rreth 55 vjeç, është rrëzuar aksidentalisht dhe për pasojë është dëmtuar.
Në vendngjarje janë nisur shërbimet e Komisariatit të Policisë Himarë dhe shërbimet e emergjencës, për të bërë të mundur transportin e shtetasin e dëmtuar, në spital.
Mëngjesin e sotëm do të vendosnim në faqjen e QKUM-së shkrimin me titull “Fenomen i pazakontë” dhe pikërisht sot vazhdon rrjedha e aksidenteve në male
Vështirësia më e madhe është mbërritja në vendngjarje në këto ambjente kaq të thepisura dhe të rrezikshme.
Diten e sotme u gjendem ne malin e Çikës duke i shpëtuar jetën një tjetër personi me fraktura të ndryshme.
Përgatitja e ekipeve tona dhe disponibiliteti i pajisjeve të traumës garantojnë mosinvaliditetin e pacientëve të traumatizuar. Aftësitë e pilotëve tanë për këto terrene kaq të vështira janë arsyeja kryesore e suksesit të këtyre misioneve jetë shpëtuese.
Falë organizimit midis Qendrës Kombtare të Urgjencës Mjekësore dhe shërbimit Zjarrfikës u bë i mundur realizimi i sukseshëm i këtij misioni të vëshirë. Dr. Skender Brataj