Lajme

Frika ndaj covid detyroi 36-vjeçarin të jetojë në aeroport 3 muaj

Një 36-vjeçar nga SHBA jetoi i fshehur për tre muaj në një zonë të sigurt të aeroportit ndërkombëtar të Çikagos, i frikësuar për të udhëtuar për shkak të pandemisë. Aditya Singh u arrestua të shtunën pasi stafi i linjës ajrore i kërkoi atij të paraqiste mjetin e identifikimit. Ai tregoi një distinktiv, që dyshohet se i përkiste një menaxheri operacionesh, i raportuar i zhdukur në tetor.

Policia thotë se Singh arriti në Aeroportin Ndërkombëtar O’Hare, në një fluturim nga Los Anxhelos më 19 Tetor. Ai gjeti distinktivin e një punonjësi të stafit në aeroport dhe ishte “i frikësuar për të shkuar në shtëpi për shkak të Covid”, tha Ndihmës Avokatja e Shtetit Kathleen Hagerty, ndërsa shtoi se Singh arriti të jetonte me dhurata nga pasagjerë të tjerë.

Gjyqtarja e Qarkut Cook Susana Ortiz shprehu habinë për rrethanat e çështjes. “Gjykata i konsideron këto fakte dhe rrethana mjaft tronditëse për periudhën e pretenduar kohore. Bazuar në nevojën që aeroportet të jenë absolutisht të sigurta, unë vërej se veprimet e pretenduara e  përbëjnë këtë individ rrezik për komunitetin.”

Singh akuzohet për veprime kriminale në një zonë të kufizuar të aeroportit dhe cënim të kundërvajtjes. 36-vjeçarit i është ndaluar hyrja në aeroport. Singh jeton në periferi të Los Angeles dhe nuk ka precendent kriminal, por nuk është ende e qartë pse ndodhej në Çikago.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button
Close