Një aksident është regjistruar në aksin e rrugës rurale Bradashesh-Kusarth. Mësohet se në aksident është përfshirë një furgon i Drejtorisë së Përgjithshme të Burgjeve, i cili u përplas me një karrocë.
Po ashtu bëhet e ditur se furgoni, i cili transportonte dhëndrin e ish-kryebashkiakut të Elbasanit, Qazim Sejdini, S. Sanxhaktari, në gjykatë ka përplasur kalin që tërhiqte karrocë
Një frugon i Drejtorisë së Burgjeve është përfshirë në një aksident në Elbasan ku raportohet se ka përplasur një karrocë që tërhiqej nga kali dhe për pasojë është lënduar karrocieri.
Raportohet se furgoni i burgjeve transportonte Sokol Sanxhaktarin, nga paraburgimi i Bradasheshit për në gjykatë ku edhe do zhvillohej një seancë gjyqësore.
Ndërkohë për personin e plagosur që udhëtonte me karrocën e kalit mësohet se është dërguar në spital dhe aktualisht ndodhet jashtë rrezikut për jetën.
Nga ana tjetër i burgosuri, Sokol Sanxhaktari akuzohet për vrasjen e Florian Lamçes dhe është dërguar për gjykim së bashku me Adriano Hajdarin. Sanxhaktari dhe 42 vjeçari Hajdari, i njohur me pseudonimin “Luço” e kishin apeluar masën e sigurisë që ju dha Gjykata e Elbasanit. Sanxhaktari dhe Hajdari i kanë qëndruar deklaratës së parë që nuk kanë qenë të vetëdijshëm për shkak se kishin konsumuar alkool.