Të tjera detaje janë zbuluar lidhur me krimin e dyfishtë që tronditi sot Ballshin, ku bashkëshorti 34 vjeç vrau me thikë gruan dhe kunatën e tij. Mësohet se autori Gazmend Musta, ka qëlluar për vdekje me thikë gruan Gentiana Caushaj, 31 vjeç dhe kunatën Merita Caushaj 18 vjeç.

Në njoftimin zyrtar të policisë thuhet se 34-vjeçari është prangosur në flagrancë, pasi ka qenë në gjendje të dehur kur kreu vrasjet. Ai qëlloi fillimisht bashkëshorten e tij, ndërsa më pas edhe motrën e saj 18-vjeçare, të cilat gjetën vdekjen e menjëhershme.

Raportohet se tragjedia ndodhi pas një debati për motive të dobëta, ku gruaja po e qortonte bashkëshortin pasi kishte konsumuar alkool, dhe po i kërkonte gjithashtu leje që te shkonte te prindërit e saj. Gjithë skena e krimit mësohet se ka ndodhur në familjen e çiftit rreth orës 17:00 të pasdites në prani edhe të dy fëmijëve të mitur. Ndërkaq, mësohet se Musa punonte si emigrant në Greqi, dhe ishte kthyer në Shqipëri vetëm për të festuar me familjen.