Bedri Musta, babai i Gazmend Mustës i cili në janar të vitit 2019 vrau gruan dhe kunatën kërkon drejtësi. Duke folur për mediat pas dënimit me burg përjetë, babai i Gazmendit shprehet se gjykata e Fierit dhe Vlorës nuk i ka verifikuar ashtu siç duhet shkaqet që e çuan djalin e tij drejt këtij akti ekstrem.
Ai e dënon krimin që djali ka bërë, por kërkon të zbardhen shkaqet e vërteta. Ndërkohë Gazmend Musta ka dy fëmijë të mitur, por pas vdekjes së mamasë së tyre ata ndodhen në fshatin SOS Tiranë kujdestarinë e ka daja i tyre. Prandaj babai i Gazmendit kërkon tani që edhe të takojë fëmijët pasi daja i tyre nuk e lejon.
Kam një shqetësim për dënimin e dhënë ndaj djalit, jam shumë i rënduar si familje sepse vendimi është I padrejtë. Vendimi I gjykatës është dhënë pasi kemi kërkuar përjashtimin e trupit gjykues. Unë dua një pafajësi, djali im ka bërë dy vrasje unë dua të di si prind, si mund të gjykojë gjykata pa dëshmitarë dhe si është e mundur që vendimi jepet për 5 minuta. Ne jemi nxjerrë jashtë, nuk e tërheq vrasjen por e kam te dënimi.
Të dalë kush ka qenë shkak i sherrit që djali im arriti deri këtu. Kanë qenë disa vrasje dhe djali im ka marrë kapital. Një injorant si i dënuari nuk kishte pendim kanë thënë trupa gjykuese, unë kam kërkuar me insistim të sqarohet. Është dënuar me burg përjetë.
Ai nuk i njifte as djalin e as çupën, unë kërkoj fëmijët, jam në apel dhe dua të dalë gjyqi. Unë u coj ushqime dhe rroba, zotëria që ka marrë kujdestarinë nuk i le të takojnë gjyshërit. Jam shumë i pakënaqur! I bëj thirrje ministrisë së Drejtësisë, avokatit të popullit.