Categories Lajme

Gazment Bardhi dëshmon në prokurori: Ka pasur vetëm akte vetëmbrojtëse ndaj protestuesve të dhunshëm

Sekretari i Përgjithshëm i Partisë Demokratike iu përgjigj sot pyetjeve të prokurorëve për protestën  e 8 janarit në selinë blu. Pasi dëshmoi në prokurori për përplasjet e dhunshme të 8 janarit, Bardhi dha një deklaratë për mediet.

I pyetur nga gazetarët për lëndën që u hodh nga brenda selisë drejt mbështetësve të ish-kryeministrit Sali Berisha, Bardhi këmbëngul se është përdorur vetëm fikëse zjarri dhje nuk ka pasur gaz lotsjellës.

“Kam dhënë përgjigje dhe për lëndën që është përdorur, kam rikonfirmuar se e vetmja lëndë ishin fikset e zjarrit”.

Të shtunën, demokratët protestuan në PD, në një tubim që përfundoi me dhunë, ndërsa u shkatërruan disa objekte në seli. Mbështetësit e ish-kryeministrit Sali Berisha u përplasën me mbështetësit e Lulzim Bashës. 35 prej tyre u arrestuan, por pas hetimeve u lanë të lirë, ndërsa për disa prej tyre është kërkuar ‘detyrim paraqitje’.

Sekretari i Përgjithshëm i PD-së u shpreh se “çdo person që ka qenë brenda selisë, i është nënshtruar një procesi të plotë regjistrimi dhe më pas kontrollit fizik”.

Ndërkohë, reagimet e mbështetësve të kryedemokratit Lulzim Basha, Bardhi i cilëson si “akte vetëmbrojteje për të ndaluar protestuesit e dhunshëm të futen në ambientet ku po zhvillohej mbledhja, në katin e dytë të Partisë Demokratike”.

Deputeti demokrat foli sërish për akuzat se ata ndryshuan bravat e dyerve për t’i bërë më pas të blinduara, që Sali Berisha dhe mbështetësit e tij të mos hynin brenda:

Sa i përket dyerve metalike kam konfirmuar se asnjë zyrë nuk i është  ndryshuar dyert për t’i bërë me dyer të blinduara. Ju keni parë se nuk ka pasur dyer apo xhama të blinduar. Kam pohuar se PD ka marrë masa për të shmangur konfliktin që po sajonte Berisha për demokratët. Falë atyre masave Berisha nuk arriti ta kthente selinë e partisë në arenë gjakderdhje”.

Aktualisht në prokurori ndodhet kryedemokrati Lulzim Basha, për të dhënë dëshminë e tij mbi 8 janarin.

Ndërsa dje, para prokurorëve ishte Sali Berisha dhe para gazetarëve sërish akuzoi Bashën, se për ditën e protestës, kishte zgjedhur mercenarë për të bunkerizuar PD.

“Të pranojë të qëndrojë i rrethuar me vrasës, trafikantë dhe bandë në një kohë që mbrohet nga garda, por edhe sikur të mos mbrohej, ti nga vrasës nëse do të qëndrosh në politikë s’mund ta bësh atë kurrë”, u shpreh Berisha. 

Berisha këmbëngul se në tubimin e së shtunë nuk pati d hunë dhe ishte një protestë paqësore. Top Channel

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME
Categories Lajme

Akuzohen se mësonin djalin të shante në TikTok, Apeli vendos për Kumarakun dhe nënën e tij

Gjykata e Apelit ka lënë në burg Armando Kumarakun dhe nënën e tij, Natasha Rombula,…

LEXO ME SHUME
Categories Lajme

Vrau gruan rumune me çekiç, dënohet me 24 vite burg shqiptari në Itali

Avni Meçja, i akuzuar për vrasje të rëndë për vrasjen e partneres së tij Alexandra…

LEXO ME SHUME
Categories Lajme

Elbasan\ Morën peng 68 vjeçarin për t’i grabitur paratë, pranga 47 vjeçares dhe bashkëpunëtorit të saj

Elbasan, Si rezultat i reagimit të menjëhershëm të shërbimeve të Komisariatit të Policisë Elbasan, finalizohet…

LEXO ME SHUME
Categories Lajme

Fier/ U përplas nga “Fouristrada”, ndërron jetë në spital 50-vjeçari

Gjatë mbrëmjes së djeshme (27 mars) një aksident i rëndë ndodhi në vendin e quajtur…

LEXO ME SHUME