Lajme

Gjendet i pajetë 53-vjeçari në Devoll

Një 53-vjeçar në fshatin Progër është gjetur i pa jetë në garazhin e banesës së tij. Dyshohet se shtetasi i identifikuar si A.G ka ndërruar jetë nga asfiksia e gazit të gjeneratorit që përdorte.

“Më datë 12.12.2021, rreth orës 11:00, në fshatin Progër, në garazhin e banesës së tij, është gjetur i pa jetë, pa shenja dhune, shtetasi A. G., rreth 53 vjeç, i cili jetonte i vetëm.”

Mësohet se ai kishte 3 ditë që ishte kthyer nga Greqia, dhe po bënte punime në shtëpi për vendosjen e kaldajave pasi do të festonte me familjen për festat e fundvitit.

Dje për shkak të mungesës së energjisë ai ka hapur gjeneratorin dhe është asfiksuar. Ka qenë fqinji i tij që e ka lajmëruar policinë pasi ka gjetur në mëngjes derën e garazhdit të mbyllur ndërsa do të vazhdonin punimet. Grupi hetimor po punon për zbardhjen e rrethanave të ngjarjes.

Artikuj të ngjashëm

Leave a Reply

Your email address will not be published.

Back to top button
Close