Makina tip fuoristradë është gjetur e braktisur në autostradë pranë Mamurrasit. Burime për abcnews.al bëjnë të ditur se dyshohet që automjeti luksoz është grabitur në plazhin e Velipojës. Mësohet se vjedhja ka ndodhur rreth orës 04:00 të mëngjesit në Velipojë. Policia e ka ndjekur deri në afërsi të Lezhës, dhe më pas është zhdukur. Ndërkaq, mjeti është gjetur në një rrugë dytësore në Mamurras, ndërsa aktualisht ndodhet në policinë e Kurbinit.Nga ana tjetër, policia e Kurbinit po punon për sqarimin e rrethanave grabitjes se mjetit. /abcnews.al
Categories
Lajme