Sekretari i Përgjithshëm i Partisë Socialiste, Damian Gjiknuri, ka pritur këtë të mërkurë ambasadorin e OSBE në Tiranë, Vincenzo Del Monaco.
Përmes një postimi në facebook, Gjiknuri bën me dije se gjatë takimit me kreun e OSBE në Tiranë, kanë biseduar mbi procesin e reformës zgjedhore, nevojën për adresimin e rekomandimeve të OSBE/ODIHR, si dhe zhvillimet politike në vend.
“Kënaqësi të prisja në një takim ambasadorin e OSBE në Tiranë, Vincenzo Del Monaco me të cilin diskutova mbi procesin e reformës zgjedhore, nevojën për adresimin e rekomandimeve të OSBE/ODIHR dhe zhvillimet politike në vend”, shkruan Gjiknuri.