Gjykata e Posaçme ka dënuar me 13 vite burg ish-truperojën e Saimi Tahitit por, me gjykim të shkurtuar ky dënim i ulet në 8 vjet e 8 muaj.
Për Markun SPAK kërkoi 12 vjet burgim, por Gjykata e Posaçme e rriti dënimin e tij me 1 vit.
Hekuran Marku u arrestua më 18 gusht të vitit të kaluar në Gjermani me kërkesë të Prokurorisë së Posaçme Antikorrupsion, e u ekstradua në maj të këtij viti në shtetin tonë.
Ai akuzohet për trafikimin e 1 toni kanabis drejt Italisë në kohën kur në krye të ministrisë së Brendshme ishte Sajmir Tahiri, vepër kjo e kryer në formën e grupit të strukturuar kriminal.
Italia, Shqipëria dhe Eurojust kryen një operacion të përbashkët ndërkombëtar të koduar me emrin “Shpirti” verën e vitit të kaluar.
Mes të arrestuarve ishte edhe ish-kolegu i Hekuran Markut, Agustin Deda. Ky i fundit u prangos në Francë për llogari të SPAK-ut, por ai ka kërkuar azil politik në shtetin francez.
Hetimet provuan se dy ish-truprojat që mbronin Saimir Tahirin ndikuan në ngritjen e parcelave të kultivimit të kanabisit në Tepelenë.