Një aksident i rëndë në Greqi i ka marrë jetën një të riu shqiptar. Aksidenti ndodhi mëngjesin e sotëm në Pefkohori, Halkidiki, ku një motor me drejtues një 23-vjeçar dhe pasagjer një 19-vjeçar, te dy shtetas shqiptare ka dalë nga rruga, duke u përplasur keq me bordurën anësore.
23-vjeçari që drejtonte motorin ka humbur jetën në vend, ndërsa është plagosur 19-vjeçari, i cili ndodhet në gjendje të rëndë në spital. Nuk dihen ende rrethanat që çuan në aksidentin, teksa hetimet vijojnë.