Habib Rexha, i akuzuar për vrasjen e Arjan Gosës pak ditë më parë ne Kavajë, del sot para gjykatës për masën e sigurisë. Ai u vetëdorëzua dy ditë më parë, pas negociatave që policia zhvilloi me familjarët e tij.

Në dëshmitë e para të dhëna para agjentëve, Rexha ka pretenduar se i druhej një hakmarrjeje nga familja Gosa, pas ngjarjes se muajit mars kur humbën jetën Edmond Gosa dhe Altin Rexha. Po ashtu, ai është shprehur se krimin e kishte kryer nga gjaknxehtësia.

Ndërkohë, nën akuzë si bashkëpunëtor në krim, është edhe shoku i Rexhës, Ervis Kurti. Ky i fundit, sipas policisë, e ka ndihmuar autorin e vrasjes që të largohej me makinë nga Kavaja, drejt Durrësit.

Ndërkohë, edhe pse Habib Rexha ka pranuar krimin, agjentët nuk e kanë gjetur ende vendin ku është hedhur pistoleta.Familjet Rexha dhe Gosa u përfshinë në një seri vrasjesh, pas një konflikti që nisi për motive banale në rrugë.