Pas gati më shumë se një muaji, Tiranës sot duket se iu rikthye normaliteti. Shitësit shprehen se mbyllja e bizneseve ka ndikuar në ekonominë e tyre, e tashmë edhe pse janë rihapur shitjet kanë rënë. “Fare, asnjë nuk ka hyrë deri tani.””Njerëzit nuk kanë më lekë.” Ndaj ata kërkojnë pagën e luftës që iu është premtuar pasi disa nuk e kanë marrë.

“Jemi pezulluar dhe kërkojmë të na ndihmojë shteti. Na është premtuar pagë lufte por nuk më kanë kaluar lekët akoma.” Bizneset që janë lejuar të hapen nga dita e hënë, duhet të jenë jo vetëm në listën e e-Albania, por dhe të kenë lejen e Ministrisë së Shëndetësisë.Këtë leje ata duhet ta mbajnë në vend të dukshëm, për të treguar se biznesi ka autorizimin për nisjen e aktivitetit dhe është pjesë e listës së bizneseve që ka publikuar qeveria.