Një 12-vjeçare shqiptare ka humbur jetën së fundmi në Itali. Mediat lokale bëjnë me dije se Emanuela Brahja e lindur më 18 dhjetor 2009 ka vdekur pasi u përplas nga një furgon kur po ecte me biçkletë. E mitura shqiptare jetonte me familjen në Campodarsego, pranë Padovës dhe u përplas nga një furgon kur ishte duke kaluar rrugën me biçikletë për të shkuar në shtëpi.
Ndonëse furgoni ishte me shpejtësi vetëm 40 km/orë dhe rruga e ndriçuar, goditja ishte e pashmangshme dhe trauma në kokë ishte fatale për vajzën.Vajza e vogël u shtrua në spital në kujdesin intensiv pediatrik në Padova, por gjatë natës ajo u shpall e vdekur.