fbpx
Lajme

Humb jetën rrugës për në spital Thomas Opperman, reagon Merkel

Ka humbur jetën në mënyrë të papritur, Thomas Opperman, nënkryetari i parlamentit gjerman, në moshën 66 vjeçare. Vdekja e tij u raportua gjithashtu nga transmetuesit RTL dhe NTV, të cilët thanë ”se ai humbi jetën, ndërsa po intervistohej nga transmetuesi ZDF dhe u dërgua në spital”.

Ministri gjerman i Punës, Hubertus Heil theksoi në Tëitter se ”lajmi për vdekjen e Oppermann e mbushi atë me një trishtim të madh”. Nënkryetari i Bundestag-ut dhe politikani i Partisë Social-demokrate (SPD) kishte njoftuar në fund të gushtit se ai nuk do të garonte për zgjedhjet e ardhshme parlamentare.

“Pas 30 vitesh si përfaqësues i parlamentit rajonal të Saksonisë së Poshtme dhe Bundestag-ut, tani është koha e duhur që unë të bëj diçka tjetër përsëri dhe të filloj projekte të reja”, tha ai në atë kohë.

Për ndarjen nga jeta të Opperman ka reaguar dhe kancelarja Angela Merkel, e cila tha se ishte “tronditur dhe trishtuar nga vdekja e parakohshme e Thomas Oppermann”.

“Unë e kam vlerësuar atë për shumë vite si një partner i besueshëm dhe i drejtë në koalicionin e madh”, tha ajo në një deklaratë. “Si nënkryetar i Bundestagut gjerman, ai i bëri një shërbim të jashtëzakonshëm parlamentit tonë në kohë të trazuara.”

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button