Anëtari i bandës së Emiljano Shullazit, Gilmando Dani ka paraqitur kërkesë për të përfituar lirimin me kusht.
Dani, i cili u dënua me 12 vite heqje lirie për gjobëvënie, ka depozituar kërkesën në Gjykatën e Kavajës, pasi pretendon se ka kryer 2/3 e dënimit.
Ai është dënuar për akuzën e “shtrëngimit me anë të kanosjes me qëllim marje e pasurisë” kryer në formën e “Grupit të Strukturuar kriminal”, pasi së bashku me Emiljano Shullazin Endrit Zelën dhe Edrit Qyqen shantazhuan biznesmenin Ylvi Beqja duke i marrë shuma të konsiderueshme parash dhe 20 për qind të hotel Vollgës në Durrës. Dani është duke vuajtur dënimin në burgun e sigurisë së zakonshme në Rogozhinë.