Lajme

I dogjën dyqanin, flet biznesmeni: Nuk kam konflikte me njeri! Policia të kapë autorin e ngjarjes

Faraudin Veizi ka folur para policisë në lidhje me zjarrin që përfshiu përgjatë orëve të natës biznesin në pronësi të tij në qytetin e Vlorës

Ai ka deklaruar se nuk ka konflikte me asnjë person ndërsa është shprehur se pret nga policia që të vihet para drejtësisë autori dhe të zbulohen edhe shkaqet e ngjarjes.

“Nuk kam konflikte me njeri. Madje shumë herë kam ndihmuar nga dyqani im persona të tjerë që kanë pasur nevojë.

Pres të arrestohet autori nga policia për të parë se cili është shkak i vënies së zjarrit në dyqan dhe automjet. Nuk di për çfarë arsye mund të ketë ndodhur”, është shprehur ai.

Ndërkohë policia me anë të një njoftimi zyrtar se është bërë i mundur identifikimi i autorit të ngjarjes, Q. M., 39 vjeç, banues në lagjen “Hajro Çakërri”, Vlorë. Dyshohet se pasi i ka vënë zjarrin dyqanit në pronësi të 65-vjeçarit Veizi, autori ka tentuar të djegë edhe automjetin e këtij të fundit të parkuar në afërsi të banesës.

“Ky shtetas, në orët e para të mëngjesit, dyshohet se në lagjen “Hajro Çakërri”, Vlorë, i ka vënë zjarrin një dyqani shumice me mallra industrialë, në pronësi të shtetasit F. V., 65 vjeç, ku janë shkaktuar vetëm dëme materiale. Gjithashtu, në lagjen “Uji i Ftohtë”, në afërsi të baneses të shtetasit F. V., ka tentuar të djegë edhe automjeti e markës “Toyota”, po në pronësi të këtij shtetasi”, ka njoftuar policia.

Artikuj të ngjashëm

Leave a Reply

Your email address will not be published.

Back to top button
Close