Një sasi prej 5 kg kanabis është kapur nga policia e Lezhës. Sasia e lëndës narkotike është gjetur në bagazhin e një automjet me drejtues 19-vjeçarin, Lorenzo Zusi.
Ky i fundit është vënë në pranga, ndërsa automjeti dhe celulari i janë konfiskuar si provë materiale.
“Nga kontrolli i ushtruar në bagazhin e automjetit që drejtonte 19-vjeçari, shërbimet e Policisë gjetën një qese të mbushur me rreth 5 kg lëndë të dyshuar narkotike cannabis sativa, sasi e cila u sekuestrua në cilësinë e provës materiale së bashku me automjetin dhe me celularë të të arrestuarit”, thuhet në njoftim.
19-vjeçari akuzohet për vepren penale “Prodhimi dhe shitja e narkotikëve”.
