Një ngjarje shumë e rrallë dhe shumë e çuditshme ka ndodhur në Itali, ku personazh është bërë një shqiptar trafikant dr.og.e dhe një shtetase italiane. Kjo e fundit për shkak të një borxhi të pashlyer që kishte ndaj shqiptarit të akumuluar nga dr.og.a që i kishte blerë ishte detyruar nga ky i fundit të lidhej në martesë me qëllim që shqiptari të merrte nënshtetësinë italiane.

Zbulimi është bërë nga policia italiane që ka dyshuar që në fillim lidhur mbi këtë martesë. Mediet italiane shkruajnë se bëhet fjalë për një shqiptar 42-vjeçar, emri i të cilit nuk bëhet i ditur. Po sipas mediave vajza nga Brescia kishte akumuluar një borxh prej 1 mijë eurosh, pasi i kishte blerë ko.ka.inë shqiptarit por nuk dinte si ta shlyente.

Për të shlyer borxhin ishte menduar që të kryhej martesa me shqiptarin, të cilit do t’i jepte edhe shtetësinë italiane në këmbim të parave. Gjithçka ishte e mirë organizuar deri në detaje, duke filluar nga ceremonia në bashki, dëshmitarët, të cilët ishin miqtë e vajzës. Këta nuk ishin të vetëdijshëm për atë që po ndodhte.