Në zonën e njohur si kryqëzimi i ish-degës së brendshme në Shkodër është djegur një apartament.
Si pasojë e flakëve, është dëmtuar një e moshuar. Pas 1 ore lufte me flakët, është arritur që të nxirret e moshuara e cila kishte mbetur e bllokuar në ballkonin e apartamentit. Shërbimi zjarrfikës, policia dhe banorët e pallatit kanë ndërhyrë për të nxjerrë të moshuarën.
Për pasojë, e moshuara ka pësuar djegie të trupit dhe ndodhet në spitalin e Shkodrës në gjendje të rëndë për jetën. Nga informacionet paraprake, dyshohet se zjarri në banesë është shkaktuar nga një shkëndijë elektrike./tvklan.al