Lajme

I ndihmoi qeni i policisë/ Të veshur me bluza kuqezi, si u gjetën dy turistët që kishin humbur në Valbonë

Dy turistët e huaj që kishin humbur rrugën në Parkun Kombëtar të Valbonës janë gjetur ditën e sotme nga efektivët e policisë. Pas kërkimeve të shumta dhe intensive të Policisë së Tropojës, ata u gjetën në gjendje të mirë shëndetësore. Në lokalizimin e tyre ndihmesë të madhe luajti dhe roli i qenit të policisë.

Siç shihet dhe nga fotot turistët e veshur me bluzën e Shqipërisë, pozojnë të buzëqeshur me efektivët e policisë së Dretorisë Vendore të Kukësit, Zenel Kuçana dhe Rexh Byberi.

Dy turistët nga Suedia dhe Rusia u gjetën në vendin e quajtur Lugu i Valit dhe u shoqëruan drejt automjetit të tyre.

Njoftimi i Policisë paraditen e sotme: Policia e Tropojës pas kërkimeve intesive që kanë filluar që prej mbrëmjes së djeshme, bënë të mundur gjetjen e dy turistëve.

Dy turistët nga Suedia dhe Rusia u gjetën në vendin e quajtur Lugu i Valit, në gjendje të mirë shëndetësore. Aktualisht ndodhen në shoqërimin e punonjësve të Policisë, të cilët po i shoqërojnë drejt automjetit të tyre.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: