Lajme

I përmendi divorcin, kush është personi që qëlloi mbi kreun e njësisë administrative Kotë

Ky që shihni në foton e mëposhtme është Admir Delaj, i cili vrau dje në lokalin e fshatit Kot, kreun e njësisë administrative Fatmir Hodo. Në foton e mëposhtme siguruar nga Faxweb.al shihet qartë dhe arma e llojit çifte më të cilën është kryer vrasja.

Si ndodhi ngjarja:

Burime bëjnë me dije se sherri mes Hodos dhe autorit të vrasjes Admir Delaj ka nisur fillimisht për arsye politike, dhe më pas ka degjeneruar, duke i përmendur njëri-tjetrit dhe familjarët.

Mes të dyve ka pasur dhe debate të hershme për një gardh, para disa vitesh kanë pasur nje debat për shtyrjen e një gardhi  në tokat bujqësore. Konflikt që është zgjidhur asokohe.

Të premten e djeshme, teksa ishin duke konsumuar një kafe në ambientet e lokalit, mësohet se autori i ka kërkuar llogari viktimës se pse ky i fundit nuk ka këmbëngulur për ta bërë Gumenicën pjesë të 100 fshatrave.

Gjatë konfliktit për tema politike debati ka gjeneruar në ofendime për familjet e secilit. Burime bëjnëme dije se viktima i ka përmendur divorcin autorit, ndërsa ky i fundit ka shkuar në makinën që e kishte pak metra larg lokalit, ka marrë armën dhe ka qëlluar në një distancë të afërt mbi viktimën.

Gjatë dëshmisë dhënë për efektivët e policisë autori ka pranuar se e ka kryer krimin ne gjakënxehtësi.

“Isha i pirë”, mësohet të ketë thenë ai para policisë. “Kemi bërë fjalë dhe une u nxeha”.

Sa i përket mbajtjes së armës Delaj është shprehur: E mbaja për gjah, do ikja për gjah ndaj e kisha në makinë.

Theksojmë se arma e tij çifte me të cilin qëlloi mbi Hodon, ka qenë me leje.

Artikuj të ngjashëm

Leave a Reply

Your email address will not be published.

Back to top button
Close