Një 23 vjeçar ka zbuluar dhjetëra tunele dhe dhoma nëntokësore brenda shtëpisë së tij. Freddy Goodall beson se ato janë përdorur si rrugë sekrete nga shërbëtorët në vitet 1800. Ai thotë se ndodhej tek biblioteka kur arriti të zbulojë një dhomë të errët pas librave.
Por ajo që e shokoi ishte vendkalimi sekret që të çonte te dhomat nëntokësore. Freddy gjithashtu gjeti libra dhe tavolina të vjetra shkollore të përdorura në vitet 1900 kur prona ishte një institucion arsimor. “Isha i ngazëllyer pasi gjeta diçka të re në shtëpinë ku kam jetuar kaq gjatë.“, tha ai. Këtë eksperiencë, i riu e ka ndarë me ndjekësit në TikTok, ku dhe ka marrë më shumë se 4.5 milion shikime.