Një i ri nga Divjaka është përplasur me policinë mbrëmjen e djeshme. Ai është Artan Kaboçi dhe pasi ka qël luar me a rmë ndaj efektivëve, i ka kërcënuar ata, i ka shtirë në tokë dhe më pas i ka marrë furgonin. Më pas i riu është fshehur nëpër lagje dhe pas disa orësh është dorëzuar. Ai njihej si person problematik në zonë. Ndërkohë që nuk dihet arsyeja e acarimit të të riut.
Policia njoftoi dje: Rreth orës 19:30, në Sallën Operative ka ardhur një njoftim se në fshatin Gradishtë, në banesën e shtetasit A. K., 34 vjeç, janë dëgjuar të shtëna me armë zjarri.
Menjëherë pas marrjes së njoftimit, kanë shkuar shërbimet e policisë të cilët kanë bërë rrethimin e banesës dhe vendosjen e perimetrit të sigurisë .
Shërbimet e Policisë i kanë bërë thirrje shtetasit A.K të hidhte armën por 34-vjeçari nuk i është bindur thirrjes së Policisë dhe në tentativë për tu larguar ka dëmtuar me sende të forta tre mjete të Policisë. Shërbimet e Policisë kanë bërë të mundur neutralizimin dhe kapjen e tij. Grupi hetimor po punon për zbardhjen e plotë të rrethanave të ngjarjes.