Motra e Fatbardha Likrama e cila dje u hodh nga pallati ku jetonte duke gjetur vdekjen e menjëhershme, ka treguar se viktima nuk vuante nga depresioni siç ka pretenduar policia në deklaratën zyrtare teksa njoftonte ngjarjen e rëndë.
Duke folur për mediat me lot në sy, Flutura Kalemaj, ka treguar se çfarë ndodhi ditën kur ajo i shkoi në shtëpi pasi kishte vendosur të mos duronte më dhunën, si dhe largimin nga frika se mos rrezikonte dhe familjen e të motrës.
Flutura ka rrëfyer se i ka mbetur peng që nuk e mbajti me zor të motrën në shtëpinë e saj e të mos kthehej tek banesa e burrit, ku dhe i dha fund jetës.
Ditën e fundit, Fatbardha mësohet se është marrë me forcë nga i biri.
Ndërsa para se të vdiste, ajo i ka treguar se djali i saj i vogël, dy javë më parë, e ka rrahur babanë dhe i kërkuar të mos vazhdonte më me dhunë ndaj nënës së tij.
Rrëfimi i motrës:
Atë natë ndenji te mua të nesërmen pasdite të martën vajti te shtëpia. I thashë mos ik Bardha ka motra rroba plot, ia nxora çantën ia bëra gati. Ka motra bukë mos merr asgjë.
Erdhi e mori çuni me dhunë, është policia dëshmitare, lajmëruam policinë. Ishte bërë si qen i tërbuar. “Dua mamin tha pse e mbani mamin tim me zor”.
Mami është me urdhër mbrojtje thash e unë do mbroj motrën time.
Thuaj të vijë tha.
Doli burri im pastaj i thashë nuk ke punë me motrën time se boll ka ngrënë dru ajo, le që na kërcënoi të dy me vrasje, djali.
Po nga frika e shkreta tha lërë se unë do iki. E kapi nga krahu e mori në shtëpi djali.
Pastaj komshinjtë thanë o Drita, thanë Bardha, i thashë ca ka bërë Bardha ime? Mos tha burri im në ballkon.
Para dy javësh më tha motra i vogli që është i sëmurë e kishte rrahur çuni të atin e bëri copa me shqelma me grushte. I tha boll se s’po të durojmë dot më.
Policia nuk e mbrojti motrën time. Pse lini kriminelin jashtë i thashë, motra ime rri atje në morg thashë.
Motra ime nuk vuante nga depresioni. Kjo që ndodhi duhet dënimi me vdekje për këtë se mori motra ime ekstremin. Më ka mbet peng pse se mbajta me zor, me dhunë motrën.