Covid-19Lajme

Imuniteti natyral apo vaksina? Ja kush mbron më shumë nga varianti Delta

Imuniteti natyral që zhvillohet pas infektimit me coronavirus, ofron mbrojtje dukshëm më të mirë nga varianti Delta sesa kur një person merr dy dozat e vak sinës Pfizer-BioNtech, thuhet në një studim të realizuar në Izrael.

Studimi mbështetet në të dhënat e shërbimeve shëndetësore izraelite në Makabi, e atë e kanë realizuar hulumtuesit e Makabit dhe Universitetit në Tel Aviv. Studimi preprint është publikuar javën e kaluar në medRkiv.

Sipas revistës Science, studimi ka zbuluar se “personat që nuk janë infektuar kurrë dhe që janë vaksinuar në janar, shkurt e qershor, në korrik dhe gjysmën e parë të gushtit, kanë pasur gjashtë deri në 13 herë më shumë gjasa që të infektohen, sesa personat që nuk janë vaksinuar por që më herët kanë qenë të infektuar me coronavirus”.

Tutje, “rreziku nga zhvillimi simptomatik i COVID-19 ka qenë 27 herë më i madh tek personat e vaksinuar, kurse rreziku për hospitalizim tetë herë më i madh”, shkruan israelnationalneës.

“Kjo analizë ka treguar se imuniteti natyral ofron mbrojtje më të gjatë dhe më të fuqishme nga infektimi, sëmundjet simptomatike dhe hospitalizmi për shkak të variantit Delta të SARS-CoV-2, krahasuar me ata që kanë marrë dy doza të vaksinës BNT162b2”, kanë shkruar autorët e studimit.

Megjithatë, kanë shtuar se “persona të caktuar që më herët kanë qenë të infektuar me SARS-CoV-2 dhe kanë marrë njërën dozë të vaksinës BNT162b2, kanë arritur mbrojtjen shtesë nga varianti Delta.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: