Mbrëmjen e djeshme në emisionin “Zonë e Lirë” është i ftuar Gani Gurguri, i cili ka bërë një parashikim nëse do të ketë më tërmete të fuqishme në vendin tonë pas atij të 26 nëntorit.
“Unë parashikoj tërmete duhet të ketë deri në 26-28 e deri në fund të dhjetorit. Është fat i mirë që intensiteti është në rënie, si numër është shumë i madh, sot kanë rënë deri në 10 tërmete. Data 10-12 pritet të ketë tërmete deri në 5 ballë. Deri nga data 19-20 dhjetor vazhdojnë tërmetet, do spostohet tërmeti në Serbi dhe Greqi, më 17 dhe 20 dhjetor, aty do jenë të fortë. Në mars priten në Turqi tërmete, nga data 5-8. Në 23 mars përsëri deri në 5 ballë, 24-26 në Greqi në mars tërmet përsëri.
Në bazë të llogaritjeve, mundohem të zbatoj ciklet. Kur shpërndahet energjia, nuk e gjej dot. Në 28 dhjetor e 31 dhjetor priten përsëri këto tërmete, 4-5 ballë duhet të jenë, janë të vogla. Në janar vazhdojnë tërmetet, por spostohen nga Korça, atje parashikohen 4-5 ballë. Shtëpitë e dëmtuara atje duhet të kenë kujdes sepse është goditje tjetër. Pjesa juglindore të ketë kujdes”, ka thënë Gani Gurguri. “Ishalla vazhdon me këtë ritëm, nuk do jetë më i fortë se ai 6.4 i shkallës Rihter. Rreziku është natën, sa më pak të rrinë në banesa”, ka shtuar Ganiu.