Lajme

“Ishte djali më i urtë”, shpërthimi i mori jetën, flasin fqinjët e 27-vjeçarit në Cërrik

Pas ngjarjes tragjike ku 27-vjeçari Erion Rexhepi i cili humbi jetën këtë të enjte nga shpërthimi i eksplozivit, vetëm pak metra larg banesës së tij, flasin dhe fqinjët e tij.

Fqinjët thanë se ai ishte djalë i urtë dhe familje e mirë, në vështirësi nga ana ekonomike. “E njohim mirë, jemi rritur në një vend, njerëz familjarë hallexhinj, shumë të rregullt po se si ndodhi ngjarja edhe ne u habitëm na ka ardhur shumë keq për atë djalë.

Me ndihmë ekonomike me punë të zezë, njerëz fukarenjt, të pastër, na ka ardhur shumë keq. Për granatën edhe ne po habitemi, ca thoshin me bombël gazi, edhe ne nuk e dimë si ndodhi kjo tragjedi. Ia ati shiste në pazar”. “Cuni më i urtë cun i mirë, besimtar i ati e ëma edhe ai vetë, e shoqja, shumë çun i mirë, tre ka ai fëmijë të vegjël”, tha një tjetër fqinjë.

Njoftimi paraprak nga Policia, Më datë 30.12.2021, rreth orës 12:15, në aksin rrugor Elbasan-Belsh, në vendin e quajtur “Kryqëzimi i lagjes nr. 3”, Cërrik, në rrugë, dyshohet se aksidentalisht, shtetasit E. R., 27 vjeç, banues në Cërrik, i ka shpërthyer një sasi lëndë plasëse në dorë dhe për pasojë ka humbur jetën. Në vendngjarje ka mbërritur grupi hetimor dhe nën drejtimin e Prokurorisë po vijon puna për sqarimin e rrethanave të ngjarjes.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: