Një ngjarje e rëndë ka ndodhur mëngjesin e sotëm në spitalin Infektiv, pasi ka ndërruar jetë si pasojë e COVID një grua 4 muajshe shtatzënë.

Burime  bëjnë me dije se gruaja ishte rreth 33 vjeçe dhe ndodhej në spitalin Infektiv, ndërkohë që ishte në gjendje të rëndë për jetën. Gjendja e të resë ishte rënduar së fundmi, ndërkohë që prej dy ditësh ishte e intubuar.

Numri i të vdekurve në vendin tonë nga COVID është rritur ndjeshëm. Një ditë më parë Ministria e Shëndetësisë, njoftoi se në 24 orët e fundit humbën jetën 17 qytetarë. Aktualisht në Spitalet COVID po marrin trajtim 155 pacientë, nga të cilët 21 janë në gjendje më të rënduar, ndërkohë që 680 qytetarë rezultuan pozitiv me virusin.