Janë konfirmuar 40 raste pozitive me Covid-19 në Vlorë. Sipas informacioneve, ndër të infektuarit janë edhe një jurist përmbarimi publik, një sekretar pranë Gjykatës së Apelit të Vlorës, si dhe dy kujdestare pranë Shtëpisë së Fëmijës në Vlorë.
Gjithashtu të infektuar kanë rezultuar edhe një edukatore në kopësht dhe çerdhe. Sakaq në sektorin privat janë prekur dy ekonomistë, një punonjës call centre.
Të prekur ka rezultuar edhe një nxënës në një shkollë jo publike. Rastet e tjera janë kryesisht raste kontakti me të infektuar të tjerë dhe pensionistë. Në 24 orët e fundit në Republikën e Shqipërisë janë regjistruar 545 raste të reja me Covid-19.