Vlorë Në vijim të punës intensive për kapjen e autorëve përgjegjës për vepra të ndryshme penale, Policia ka arrestuar 3 persona, si:  Xh.M., 22 vjeç, banues në Vlorë.  Ndalimi i këtij shtetasi në kërkim u bë pasi Gjykata e Shkallës së Parë Vlorë e ka dënuar me 1 vit e 3 muaj burgim, për veprën penale të vjedhjes.  A.V., 17 vjeç, banues në Vlorë. Arrestimi i tij u bë pasi dyshohet se në bashkëpunim me një shtetas tjetër të mitur, ka vjedhur disa sende në një supermarket të qytetit të Vlorës.  H.K., 33 vjeç, banues në Vlorë. Arrestimi i tij u bë pasi ky shtetas është kapur duke drejtuar automjetin pa leje drejtimi përkatës. Materialet iu referuan Prokurorisë në ngarkim të secilit për veprime të mëtejshme.