Një aksident i rëndë që për pak nuk u kthye në tragjedi ndodhi ditën e diel në mes të Tiranës, ku një makinë “Benz G-Class” përplasi në rrugë çiftin Arjan dhe Vilma Konomi si dhe foshnjën e tyre vetëm 3 muajshe, teksa po kalonin në vijat e bardha.

Në foton e siguruar shihet se nga aksidenti shpëtoi për mrekulli edhe një burrë i cili ishte duke ecur me biçikletë teksa në frenim mjeti i ka kapur rrotën e dytë.

Për fat i riu nuk ka pësuar lëndime teksa është dëmtuar vetëm biçikleta.

Mjeti i drejtuar nga 39-vjeçari Ajas Sulejmani, i cili është arrestuar tashmë nga policia pasi u largua nga vendngjarja, ka qenë me shpejtësi të frikshme dhe ka hyrë me semafor të kuq, ku dhe ka përplasur familjen Konomi.

Ndërsa Ajas Sulejmani pas arrestimit ka rezultuar përdorues i lëndëve na rkotike, bashkë me të u arrestua edhe pasagjeri që ndodhej në makinë e tij.