Ditën e sotme, aktorja Amber Heard tha në një sallë gjyqi në Virgina se qeni Boo i Johnny Depp, ishte fajtor për jashtëqitjen tashmë famëkeqe të gjetur në shtratin e tyre.
Depp më parë pretendonte se jashtëqitja i përkiste Heard pasi ishte shumë e madhe t’i përkiste një njeriu.
Ajo pretendon se së bashku me miqtë e saj po përgatiteshin për të shkuar në festivalin muzikor në Kaliforni, Coachella dhe Heard e vuri qenushin në shtrat. Aktorja tha se Boo kishte vuajtur nga probleme me tretjen që kur qeni kishtë ngrënë barin e Depp.
Qeni i Depp në mënyrë tipike urinonte kudo, kështu që Heard e vendosi Boo mbi shtrat për të parandaluar një aksident, u shpreh ajo në gjykatë. Në fund, qeni bëri jashtëqitje në shtrat, tha Heard.
Historia e jashtëqitjes në shtrat është kthyer në një nga momentet më të përfolura të gjyqit, madje është tallur nga SNL këtë fundjavë. Depp më parë tha se jashtëqitja në shtrat ishte shumë e madhe për t’u prodhuar nga qenush aq i vogël dhe fajësoi Heardin.
“Ishte aq i çuditshëm dhe kaq grotesk saqë më vinte të qeshja”, tha Depp më herët në gjyq. Ish-shoferi i Depp, Starling Jenkins, gjithashtu i tha gjykatës më parë se ai foli me Heard për “surprizën” që ajo la në shtrat teksa ai e çoi atë në festivalin muzikor. Heard thotë se ata nuk folën fare.
Të dy aktorët kanë akuzuar njëri-tjetrin për abuzime dhe ruajnë pafajësinë e tyre. Depp tha se Heard i preu gishtin, ndërsa Heard ka pretenduar se Depp guti një shishe në trupin e saj.
Një gjykatë në Mbretërinë e Bashkuar ka vendosur tashmë se Depp ka abuzuar me Heard. Marrja në pyetje e Heard pritet të fillojë këtë javë.