“Do të detyrohemi të zgjedhim pacientët që do të shtrohen në spital”, deklaroi kryeministri britanik, Boris Johnson teksa dha lajmin se Britania e Madhe do të futet në karantinë për një muaj.
Drejtori i Komunikimit në Kryeministri, Endri Fuga ka rishpërndarë lajmin e BBC për deklaratën e kryeministrit britanik, e përafërt me atë çfarë tha në Kuvend pak ditë më parë Ministrja e Shëndetësisë, Ogerta Manastirliu që kreu i PD-së e nxori nga konteksti.
“Mjekët dhe infermierët do të detyrohen të zgjedhin cilët pacientë do të trajtojnë, kush do të marrë oksigjen dhe kush jo, kush do të jetojë dhe kush do të vdesë”,-tha Johnson. Basha paska me kë të merret nesër”, – shprehet Fuga.
Gjithashtu, Fuga ka shpërndarë edhe deklaratën e kancelarit austriak , Sebastian Kurz i cili deklaron se duhet zvogëluar numri i infeksioneve ndryshe mjekët duhet të vendosin se kush do dhe kush nuk do të ndihmohet.
“Luli sot nje video edhe për kryeministrin austriak. Lexo çfarë ka thënë dje: “Nëse nuk e bëjmë këtë, atëherë do të ketë situatë, ku mjekët duhet të vendosin se kush do dhe kush nuk do të ndihmohet”, deklaroi Kurz”, shprehet Fuga.
Kreu i PD, Lulzim Basha akuzoi ministren e Shëndetësisë Ogerta Manastirliu lidhur me deklaratën e saj në Kuvend, deklaratë të cilën ai e nxori nga konteksti.
Ministrja deklaroi se “nuk duhet të shkojmë në mbingarkimin e sistemit shëndetësor ndaj masat që jemi duke ndërmarrë sa i përket parandalimit dhe izolimit nëpërmjet testimit dhe gjurmimit, qoftë sa i përket kapaciteteve spitalore shkojnë në këtë drejtim. të frenojmë përhapjen e COVID nëpërmjet respektimit të masave të mundemi të trajtojmë çdo qytetarë në spitalet tona duke mos i lënë asgjë mangët një trajtimi të mirëfilltë siç po ndodh sot, sepse nëse do të kemi një mbingarkesë të spitaleve do të përballemi me vështirësi do të përballemi me zgjedhje se kush do të trajtohet i pari ashtu si kurse vende të zhvilluara janë përballur kur ka pasur flukse të rasteve në spitale”.