Categories Lajme

“Ka zyrtarë me qese parash që blejnë njerëz dhe…”, Berisha me shoqërinë civile bën thirrje për bashkim kundër regjimit

Kryetari i Partisë Demokratike, Sali Berisha nga një konferencë e përbashkët me përfaqësues të shoqërisë civile, ka bërë thirrje për bashkim të frontit opozitar kundër regjimit të kryeministri Edi Rama.

Pasi renditi faktet që e bëjnë të domosdoshëm reagimin, ku kryesori është emigrimi masiv i shqiptarëve prej varfërisë, Berisha theksoi se di raste kur zyrtarë dhe eksponentë të qeverisë blejnë njerëz, prokurorë e gjyqtarë me qese plot me para.

FJALA E BERISHËS:

Ato janë largimi i shtresë s së mesme nga Shqipëria, shkatërrimi i saj. Nuk ka mekanizëm më shkatërrimtar se ky. Ajo është shtresa e stabilitetit social. Nuk ka më shkatërrim se ai i biznesit të vogël. Ai është gjeneratori i ekonomisë. Dhe këtu beteja ka filluar me këta. Janë përzënë me mijëra mjekë. Me hartën e re gjyqësore do të përzihen me dhjetëra avokatë. Ne jemi tashmë një komb që përgatisim specialistë vetëm për emigracion. Në një kohë kur Shqipëria ka potencialet më të jashtëzakonshme për të prosperuar, për t’u zhvilluar sa rrallë ndonjë vend tjetër.

Kjo është një politikë denatyruese për shqiptarët. Në Shqipëri nuk bëhen zgjedhje, një akademike shprehej për autokraci elektorale.

Ti japim përgjigje pyetjes, çfarë duhet të bëjmë?

Dhe unë sikundër çdo shqiptar arrij në përfundim në vetëm një përgjigje, të bashkohemi në një front të përbashkët për të shpëtuar Shqipërinë. Të bashkojmë zërat tonë, rezistencën tonë dhe të hidhemi në veprime. PD është përgjegjëse në një shkallë shumë të madhe për këtë rrokullisje, sepse me inaktivitetin e saj ajo nuk arriti kurrë të shndërrohej në një forcë të madhe besimi, rreth të cilës të bashkoheshin shqiptarët që do donin të ndalonin këtë rrokullisje. Në këto vite ajo nuk mbrojti interesin kombëtar por pranoi për një arsye apo një tjetër politika ç’kombëtarizuese apo antikombëtare. Sot në Ballkan qytetet me probleme më të mëdha janë Tirana dhe Prishtina. Sepse Tirana bëri gjithçka ta paraqesë Prishtinën dhe jo Beogradin si delen e zezë të Ballakanit.

Ndaj këtij regjimi duhet një front se ky regjim është i pasur, para të pafundme, secili prej jush di raste dhe unë di kur eksponentë të tij kalojnë nga një banesë apo zyrë nga një tjetër me qese parash duke blerë njerëz, duke blerë gjykatës, zyrtarë, prokurorë dhe opozitarë jashtë çdo imagjinate. Regjimi nuk respekton asnjë rregull. E tha bukur një avokat, është inkuizicion nga polici te Prokurori, nga prokurori te gjykata dhe te burgu. Shanset e pafajësisë këtu janë drejt zero se nuk ka rëndësi ke kryer apo jo vepër penale, rëndësi ka që të ndalojë policia, ndaj dhe unë rrugë të vetme dhe të sigurte për t’u përballur me këtë regjim shoh bashkimin e të gjitha forcave opozitare së bashku me shoqërinë civile.

Dhe hartimin e një harte veprimesh, me të cilat ne kam bindjen më të thellë se do ta fitojmë betejën. Ky vërtet është një regjim i pasur, por është i kalbur, sepse është i ndërtuar mbi lidhjet e krimit, abuzimin e shkelmimin e ligjit dhe regjime të tilla rezistojnë shumë vështirë.BW

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME
Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME