Lajme

Kadilli thirrje PD-së për Sali Berishën: E ardhmja e partisë nuk duhet të jetë “non grata”

Ish-anëtari i kryesisë së PD, Fatbardh Kadilli kërkon që të mbahet një qëndrim i qartë lidhur me ish-kryetarin Sali Berisha. Kadilli thekon se nuk duhet zvarritur çështja Berisha për në minutën e fundit apo për vendime surprizë. Sipas tij, PD ka në dorë një vendim historik dhe se fati dhe e ardhmja nuk duhet të jetë “non grata”.

Postimi i plotë: E ardhmja e PD-së nuk duhet të jetë “non grata” PD duhet të ketë një qëndrim të qartë në raport me ish kreun e saj Sali Berisha. Nuk mund të presim vendime surprizë apo të minutës së fundit për një çështje që lidhet me fatin dhe të ardhmen e PD-së. As nuk mund të zvarritemi pa bërë asgjë.

Berisha e ka bërë të qartë që fatin e PD-së do ta mbaj lidhur me fatin e vet “non grata”. Basha nuk flet duke e lënë partinë në kryqëzime të rrezikshme politike. Është momenti të flasë partia çfarë qëndrimi ka për ish kryetarin “non grata”.

Kjo është detyrë e Kryesisë dhe e Grupit Parlamentar. Për secilin koleg, është nder të ulesh në karriken e kryesisë dhe të deputetit, por së pari është përgjegjësi. Keni në dorë të merrni një vendim historik. Luhet fati dhe e ardhmja e Partisë Demokratike që nuk duhet të jetë “non grata”.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: