Ditët e fundit shëndeti i ish kryeministrit italian, Silvio Berlusconi është përkeqësuar ndjeshëm. Sipas medieve italiane, mjekët i kanë këshilluar një pushim absolut në shtëpi.

Lideri i Forza Italia-s u shtrua në spital në shtator për shkak se u infektua për Covid dhe e kaloi. Ajo që shqetëson mjekët janë problemet kardiake, pasi atij po i shfaqen një formë “fibrazioni artial”, muskujve të zemrës. Këtë e ka bërë të ditur avokati i tij, Federico Ceçoni gjatë seancës së fundit gjyqësor për procesin “Ruby ter”.

Për shkak të gjendjes shëndetësore, mjekët i kanë rekomanduar “pushim absolut në shtëpi, për të mos lëvizur dhe për të mos kryer aktivitete fizike”. Berlusconi kishte pasur këtë lloj problemi në 2016 si rezultat i të cilit ai iu nënshtrua një operacioni delikat që çoi në zëvendësimin e valvulës së aortës.