I kapur me dhjetë kilogramë marihuanë në bagazhin e makinës, një i ri shqiptar kë rënë në pranga nga policia e Pescarës në rrugën e Montesilvano. Sipas mediave italiane, mbrëmjen e djeshme agjentët italianë, në Vestina në Montesilvano, arrestuan 28-vjeçarin shqiptar K.A, me precedentë penalë në të kaluarën.

Gjatë një patrullimi të vendosur pranë daljes së autostradës, policia vuri re se 28-vjeçari kaloi pengesën dhe doli nga autostrada me makinën e tij tip Mercedez. Të dyshuar për shpejtësinë e ngadaltë me të cilën po ecte i riu, ata vendosën ta kontrollonin. Gjatë kontrollit ju gjetën, 4.8 gram marihuanë në një kuti doreze të makinës, dhe 10.2 kilogramë marihuanë në bagazhin e pasmë. Menjëherë ai u vu në pranga dhe akuzohet për përdorim dhe trafikim të lëndëve narkotike.