Categories Lajme

Kardiologu Edvin Prifti mbetet i pezulluar, si po e mban SPAK larg profesionit

“Për mua si mjek, të më lini jashtë sallës së operacioneve, është njësoj si të më merrni jetën. Nuk kam asnjë mundësi të prish prova, sikurse pretendon prokuroria. Kanë gati dy vite që po me hetojnë dhe kanë pasur kohë të marrin çdo provë. Mjeku nuk mund të prishë prova, duke operuar qytetarët për zemrën”.

Në këtë mënyrë, teksa paraqiti edhe disa prova të reja, ish-shefi i kardiologjisë në qendrën Spitalore Universitare, Edvin Prifti, këmbënguli përpara gjykatës së Apelit të Posaçëm , që kjo e fundit t’i shfuqizonte masën e pezullimit nga ushtrimi i profesionit.

Mbetet ende mister se pse prokuroria dhe Gjykata e posaçme mbajnë dhunshëm jashtë profesionit të tij një nga mjekët më të mirë kardiologë të Shqipërisë, ndërsa ende nuk e kanë provuar fajësinë e tij.

Emri i Priftit doli në përgjimet e SPAK teksa po hetonte një rast korrupsioni në Gjykatën e Krujës, ku në pranga përfundoi ish-gjyqtarja Enkelejda Hoxha e prej asaj kohe, kardiologu po vijon një përballje të ashpër me drejtësinë.

Në sallën e gjyqit, ku kërkon t’i jepet sërish mundësia për të operuar, avokatët e Priftit paraqitën prova të reja, përmes të cilave thanë se rrëzojnë gjetjet e hetimit të prokurorisë.

Në seancë që zgjati më shumë se një orë e gjysmë, avokatët thanë se provat e paraqitura prej tyre, po injorohen qëllimisht nga prokuroria.

Mjeku i specializuar në disa universitete të Perëndimit në fushën e tij dhe me një eksperiencë disa-vjeçare u pezullua për të dytën herë, pasi një çështje të re hetimore të çelur ndaj tij, ku u akuzua nga një qytetar se I kishte marrë një shumë parash për operacionin e nënës.

Dyshimet ishin se mjeku e kishte marrë valvulën në spitalin shtetëror dhe ja kishte vënë pacientes, por nga verifikimet e kryera në QSUT, ka rezultuar se nuk mungonte një e tillë dhe për rrjedhojë thanë avokatët pretendimi I prokurorisë ka rënë.

Megjithatë, gjykata nuk u tërhoq, duke e lënë në fuqi masën e pezullimit për mjekun deri në muajin gusht.

Avokatët thanë se do t’i drejtohen Gjykatës së Lartë, përderisa sipas tyre, SPAK po i zvarrit hetimet qëllimisht, prej dy vitesh.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME
Categories Lajme

Akuzohen se mësonin djalin të shante në TikTok, Apeli vendos për Kumarakun dhe nënën e tij

Gjykata e Apelit ka lënë në burg Armando Kumarakun dhe nënën e tij, Natasha Rombula,…

LEXO ME SHUME
Categories Lajme

Vrau gruan rumune me çekiç, dënohet me 24 vite burg shqiptari në Itali

Avni Meçja, i akuzuar për vrasje të rëndë për vrasjen e partneres së tij Alexandra…

LEXO ME SHUME
Categories Lajme

Elbasan\ Morën peng 68 vjeçarin për t’i grabitur paratë, pranga 47 vjeçares dhe bashkëpunëtorit të saj

Elbasan, Si rezultat i reagimit të menjëhershëm të shërbimeve të Komisariatit të Policisë Elbasan, finalizohet…

LEXO ME SHUME
Categories Lajme

Fier/ U përplas nga “Fouristrada”, ndërron jetë në spital 50-vjeçari

Gjatë mbrëmjes së djeshme (27 mars) një aksident i rëndë ndodhi në vendin e quajtur…

LEXO ME SHUME