Categories Lajme

Kërkon zgjedhje të reja, zbardhen kërkesat: Nga votat e pavlefshme te pajisja elektronike

Partia Demokratike ka dorëzuar sot në Komisionin Qëndror të Zgjedhjeve kërkesën me pretendimet për shpalljen e pavlefshme të zgjedhjeve dhe përsëritjen e tyre në 9 qarqe. Pas depozitimit të kërkesës tashmë është bërë zbardhja e pretendimeve të Partisë Demokratike.

Në qarkun Fier, PD pretendon se beteja për mandatin e fundit mes PD dhe PS ka qenë vetëm 6545 vota, numër ky më i vogël se numri i votave të shpallura të pavlefshme në këtë qark që sipas PD ka qenë 2830 vota më shumë se diferenca. PD akuzon PS për blerje votash përdorim të personave me precedentë kriminalë në fushatë duke u ndalur edhe në emra konkretë.

Selia blu ngre akuza se janë konstatuar disa raste të dhënies së ndihmave ushqimore për familjet në nevojë për qëllime zgjedhore, ndërsa shton se të gjitha nivelet e administratës qendrore dhe vendore janë vendosur në shërbim të fushatës elektorale për partinë në pushtet.

Demokratët thonë se në periudhën parazgjedhore është rritur ndjeshëm punësimin në sektorin publik, kjo për qëllime elektorale, në këmbim të premtimit për të votuar PS në zgjedhjet e 25 prillit. Një tjetër pikë që denoncohet nga PD është dhënia e lejeve të legalizimeve apo ndërtimeve gjatë fushatës zgjedhore.

PD ka përfshirë në dosjen ankimore të depozituar në KQZ edhe publikimin e të dhënave personale të qytetarëve që sipas saj përdoreshin nga PS për të shantazhuar qytetarët për votën. Ndalimi i votës së emigrantëve dhe personave të infektuar me COVID përmenden nga PD si shkelje të qeverisë  e cila ka penguar qytetarët të shprehin vullnetin e tyre më 25 Prill në mënyrë diskriminuese.

Ndërkohë numri i madh i fletëve të pavlefshme të shpallura gjatë procesit të numërimit konsiderohet nga Partia Demokratike si shkelje pasi sipas saj qytetarëve iu la në dispozicion një kohë e shkurtër nga dita e votimit të mësoheshin me të. Tjetër pikë e konsideruar shkelje nga PD është ndalimi i kandidatëve (përveç kryetarëve të partive) të kandidojnë për deputet në më shumë se një qark. Kjo sipas PD përbën shkelje të së drejtës së kandidimit në kushte të barabarta.

PD ngre pretendimin se më 25 Prill, pajisja elektronike e vënë në përdorim për herë të parë në një proces zgjedhor në Shqipëri jo vetëm që nuk e penguar votimin më shumë se njëherë por e ka lehtësuar atë. Sipas PD kjo pajisje pranonte shenjën e gishtërinjve të personave të tjerë pavarësisht mjetit të identifikimit që ata kishin paraqitur.

Mes qarqeve që kërkohet rivotim përpos Durrësit, Tiranës, Elbasanit, Fierit, Beratit, Gjirokastrës, Korçës dhe Vlorës është edhe Kukësi, që PD e ka fituar në 25 Prill. PD pretendon se në 9 këto qarqe procesi zgjedhor nuk ka qenë i drejtë dhe vullneti i qytetarëve është deformuar.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Del raporti, “Wiz Air” vonesa dhe anulime me 60 për qind të fluturimeve nga Tirana

Nje raport i fundit tregon se në Aeroportin e Tiranës jatë vitit te kaluar 2023…

LEXO ME SHUME
Categories Lajme

Shqiptari arratiset nga burgu në Zvicër

Një i burgosur u arratis nga burgu Uauuilermoos i Lucernit me kusht. Ai ishte dënuar…

LEXO ME SHUME
Categories Lajme

I riu dhunon 44-vjeçarin dhe e bën për spital, largohet nga vendngjarja me makinë!

Rreth orës 11:30, te ura e Cenit, për shkak të një konflikti për motive të…

LEXO ME SHUME
Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME
Categories Lajme

Akuzohen se mësonin djalin të shante në TikTok, Apeli vendos për Kumarakun dhe nënën e tij

Gjykata e Apelit ka lënë në burg Armando Kumarakun dhe nënën e tij, Natasha Rombula,…

LEXO ME SHUME