Lajme

Kim nis pushimet, ndan fotot e veçanta nga Vunoi: Do ta mbaj premtimin për t’u rikthyer sërish

Ambasadorja e SHBA në Tiranë, Yuri Kim, duket se e ka kthyer në një zakon eksplorimin e Shqipërisë. Së fundmi diplomatja amerikane po pushon në Himarë ku dhe është takuar me banorët e zonës.

Teksa ka publikuar disa foto në rrjete sociale Kim jep detaje nga vizita e saj, Kim shfaqet në shoqërinë e miqve të rinj. Kim shkruan se ka ndarë me to një bisedë të këndshme.

“Si shumë njerëz në Shqipëri dhe gjetkë në Evropë, unë jam duke marrë një pushim të shpejtë për të rifituar energji. Shkova në Vuno për një kafe në sheshin e fshatit dhe përfundova duke pirë uzo me banorët. Faleminderit Petro, Gjergj, Irakli, Armando dhe miq të tjerë të rinj që më ftuan të ndaj një pije dhe për një bisedë shumë të bukur”, shkruan Kim. Ambasadorja tregon gjithashtu se është larguar nga fshati, me premtimin se do të rikthehet shumë shpejt atje.

“Unë e vlerësova mësimin për fshatin tuaj, ndarjen e pikëpamjeve për jetën në Shqipëri dhe bisedimin për familjet tona. Unë do ta mbaj premtimin tim për t’u kthyer në fshatin tuaj të bukur dhe për të vazhduar bisedën tonë. Faleminderit!”, tha më tej Ambasadorja.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: