Ardi Veliu, Drejtori i Përgjithshëm i Policisë së Shtetit zhvilloi një takim me ambasadoren e Shteteve të Bashkuara të Amerikës në Tiranë Yuri Kim. Veliu dhe Kim vlerësuan marrëdhëniet e shkëlqyera mes Policisë së Shtetit, ambasadës së SHBA-së në Tiranë dhe agjencive të tjera të zbatimit të ligjit në SHBA.
Kim shprehet se gjatë këtij takimi u konfirmua se detyra e policisë do jetë profesionale në ruajtjen e rendit gjatë dhe pas zgjedhjeve. “U takova me Drejtorin e Përgjithshëm të Policisë së Shtetit, Ardi Veliu, për të diskutuar mbi përgatitjet për zgjedhjet e 25 Prillit. Veliu konfirmoi se detyra e oficerëve të policisë do të jetë profesionale dhe e paanshme në zbatimin e ligjit dhe ruajtjen e rendit publik përpara, gjatë dhe pas zgjedhjeve”, shprehet Kim.
Drejtor Veliu njohu ambasadoren Kim me punën e Policisë së Shtetit për të garantuar rendin dhe sigurinë para, gjatë dhe pas procesit zgjedhor, duke theksuar vendosmërinë e Policisë së Shtetit për të luftuar krimet zgjedhore pa u ndikuar nga asnjë kah politik.
Gjithashtu Veliu i garantoi ambasadoren Yuri Kim se Policia e Shtetit është e fokusuar dhe e vendosur vetëm në drejtim të zbatimit të ligjit dhe vetëm të ligjit. Po gjatë takimit, Veliu e ka njohur nga afër ambasadoren Kim edhe me punën e Policisë së Shtetit në drejtim të parandalimit dhe g oditjes së kultivimit të k anabisit dhe t rafikimit të d rogave të f orta.