Tashmë është kthyer në një skemë të njohur rekrutimi i vajzave nëpër qendrat e masazhit, të cilat ofrojnë shërbime “ekstra”. Një 28-vjeçar, menaxher i një qendre masazhi në “Don Bosko” është arrestuar nga policia së fundmi, pasi biznesin në fjalë e kishte kthyer në qendër të shfrytëzimit të prostitucionit.
Në hetim janë gjithashtu katër vajza të përfshira si dhe është shpallur në kërkim pronari 23-vjeçar i qendrës, Ernest Shkreli. Klientët e kësaj qendre bënin pagesa për dy shërbime dhe përfitimet ndaheshin ndërmjet administratorit dhe punonjëseve që i kryenin këto shërbime.
Ndërkohë 28-vjeçari Kliton Shuli punon edhe me agjencinë turistike ” Matias Travel Star Tours” dhe gjithashtu merret me tregti ‘malli’, ndërsa personi që ka shkruar në redaksinë tonë ngre shqetësimin se agjencitë po i marrin femrat në qafë.