Lajme

Konfirmohet në detyrë gjyqtarja e Lezhës

Komisioni i Pavarur i Kualifikimit konfirmoi sot në detyrë gjyqtaren e Gjykatës së Lezhës, Elsa Ulliri.

Trupi gjykues përbëhej nga Roland Ilia kryesues, Pamela Qirko anëtare dhe Etleda Çiftja relatore. Hetimi u bë në të tre kriteret: Pasurisë, pastërtisë së figurës dhe profesionalizmit.

Gjyqtarja Ulliri ishte e pranishme dhe shprehu gëzimin kur u shpall vendimi i cili u pasua dhe me një përqafim me një të afërmen e saj.

Gjatë seancës dëgjimore, Komisioni i Pavarur i Kualifikimit i kërkoi gjyqtares Elsa Ulliri shpjegime për bilanc negativ të familjes në shuma të vogla dhe për disa vendime penale. Ulliri e vlerësoi hetimin nga KPK dhe kërkoi të konfirmohej në detyrë.

Elsa Ulliri përfundoi studimet në Shkollën e Magjistraturës në vitin 2014 dhe prej asaj kohe ushtron funksionin e gjyqtares në Gjykatën e Rrethit Gjyqësor Lezhë.

Artikuj të ngjashëm

Leave a Reply

Your email address will not be published. Required fields are marked *

Back to top button
Close