Ish-kryeministrja e Ukrainës, Julia Tymoshenko, u ka bërë thirrje aleatëve të vendit të saj që ta përfshinë në zonën e ndalim-fluturimit.
Ajo vlerësoi sanksionet e ashpra të vendosura ndaj Rusisë që nga fillimi i pushtimit, por tha se Ukraina kërkon “ndihmë serioze” të mëtejshme. “Ndihma duhet të vijë duke e përcaktar Ukrainën si zonë të ndalim-fluturimit”, tha ajo.
Kur u pyet se vendosja nga NATO e zonës së ndalim-fluturimit mbi Ukrainë mund të përshkallëzonte situatën, siç kanë argumentuar fuqitë e NATO-s, ajo tha se “nuk është e nevojshme të merret leja e NATO-s” dhe këmbënguli se kjo mund të bëhet përmes koalicioneve të vendeve përreth Ukrainës.
Ajo gjithashtu kërkoi që trupat paqeruajtëse të Këshillit të Sigurimit të OKB-së të dërgohen në Ukrainë dhe të vihen në dispozicion sistemet më të fundit kundërajrore.